गर्जे मराठी ग्लोबल विषयी थोडक्यात

गर्जे मराठी ग्लोबल ह्या सामाजिक संस्थेची सुरवात २०१८ साली कॅलिफोर्निया, अमेरिकेत झाली. जगभरातील मराठी उद्योजक, व्यावसायिक, तज्ज्ञ आणि युवा पिढी यांना एक समान व्यासपीठ देऊन सांस्कृतिक जतन, व्यावसायिक संधी, ज्ञान विनिमय आणि सामाजिक योगदान यांना चालना देणे हे गर्जे मराठीचे प्रमुख उद्दिष्ट आहे. महाराष्ट्राची अस्मिता, भाषा, संस्कृती आणि उद्यमशीलता जागतिक पातळीवर पोहोचवतानाच, गर्जे मराठी संस्था मराठी समाजाच्या सर्वांगीण विकासासाठी सातत्याने कार्यरत आहे. मागील काही वर्षांत २०,००० हून अधिक सदस्य २७ देशांतून गर्जे मराठी ह्या उपक्रमाला जोडले गेले आहेत.

गर्जे मराठी संस्था अमेरिका, कॅनडा, ब्रिटन, कुवेत, ऑस्ट्रेलिया आणि न्युझीलॅंड इथे सामाजिक संस्था म्हणून रजिस्टर्ड आहे. भारतामध्ये गर्जे मराठी ग्लोबल फाउंडेशन ही सेक्शन 8 कंपनी असून व्यवस्थापकीय कार्यालय पुणे इथे आहे. गर्जे मराठी चे सदस्यत्व हे सर्वांसाठी निःशुल्क असून, ते नेहमीच तसे राहावे असा आमचा प्रयत्न आहे. गर्जे मराठी ग्लोबलला स्वत:चा १०० कोटी रुपयांचा स्टार्टअप फंड असावा असा मानस आहे, त्याच प्रमाणे अमेरिकेमध्ये मराठी विद्यापीठ असावे असा ही प्रयत्न आहे.

गर्जे मराठीचे जागतिक स्तरावर राबवण्यात येणारे काही प्रमुख उपक्रम पुढील प्रमाणे आहेत.

गर्जे मराठी ग्लोबल इनोवेशन अकॅडमी (व्हर्च्युअल) – उत्तमोत्तम आणि इंडस्ट्री साठी आवश्यक असलेले ६ महिन्यांचे सर्टिफिकेट कोर्स, इंडस्ट्री लीडर्स ने तयार केलेले पदवीधर तसेच पदव्युत्तर विद्यार्थ्यांसाठी, इंडस्ट्री रेडी होण्यासाठी बनवलेले हे कोर्सेस महाराष्ट्रातील नामवंत विद्यापीठातून देता येतील अशी योजना आहे.
स्टार्टअप कोहोर्ट आणि मेंटॉरिंग - १८ आठवड्यांचा निवडक (Curated) ऑनलाइन कार्यक्रम – बिझनेस मॉडेल कॅनव्हास तयार करण्यापासून ते इन्व्हेस्टमेंट पिच डेक सादरीकरणापर्यंत, आणि शेवटी इन्वेस्टर डे पर्यंत. आत्ता पर्यंत १७५ हून अधिक स्टार्टअप्सना २८ कोटींहून अधिक इन्वेस्टमेंट मिळालेली आहे.
मेंटर कनेक्ट - स्टार्टअप्स व व्यावसायिकांना त्यांच्या पुढील टप्प्यावर पोहोचण्यासाठी वैयक्तिक मार्गदर्शन देणारे मेंटर्स, विषयतज्ज्ञ व मार्गदर्शकांचे जागतिक नेटवर्क उपलब्ध करून देणे
कॅम्पस-टू-कॉर्पोरेट / बियॉन्ड कॅम्पस - अमेरिका व युरोपमध्ये आलेल्या विद्यार्थ्यांसाठी ५ आठवड्यांचा, सप्ताहअखेरीचा निवडक कार्यक्रम – व्यावसायिकांशी संपर्क, नेटवर्किंग व इंटर्नशिपसाठी मदत तसेच तज्ज्ञ संवाद व निवडक विषयांवरील इंटर्नशिप्सद्वारे शैक्षणिक व औद्योगिक अपेक्षांतील अंतर भरून काढणे
सह्याद्री वहिनी वरील ‘विश्वाच्या गाभारी, गर्जे मराठी’ कार्यक्रम – ५२ आठवडे, जागतिक पातळीवर यशस्वी असलेल्या ५२ मराठी उद्योजक आणि व्यावसायिक व्यक्तींची प्रेरणादाई मुलाखत आणि त्यांच्याबरोबर कनेक्ट.
विद्यावाणी रेडिओ एफएम वरील ‘ नवयुगाची ज्ञानमाला’ कार्यक्रम – ५२ आठवडे, ५२ मराठी तज्ञ आणि ५२ वेगळे विषय अशी विषयकेंद्रित माहिती देणारी साप्ताहिक मालिका.
मी आणि माझा जिल्हा - जगभरातील महाराष्ट्रीय व्यक्तींना त्यांच्या मुळांशी जोडणारा उपक्रम; स्थानिक समुदायांशी दृढ नाते निर्माण करून त्यांच्या मूळ जिल्ह्यांच्या विकासात योगदान देण्यासाठी प्रोत्साहन देणे.

ह्या उपक्रमांपलीकडे, गर्जे मराठी ग्लोबलने जागतिक दर्जाची, महाराष्ट्रीय व्यक्तींसाठी व्यावसायिक कॉन्फरन्स आत्तापर्यंत सॅनफ्रांसिस्को, न्यूयॉर्क, पुणे, दुबई इथे अत्यंत यशस्वीपणे भरवली असून, महाराष्ट्राच्या एकूण उत्पन्नाच्या १% येवढे योगदान गर्जे मराठीचे सदस्य साल २०३० पर्यंत महाराष्ट्रासाठी करू शकतील अशी अपेक्षा व्यक्त केली आहे.